IELTS Listening mock testi — onlayn va bepul

Imtihon formati

IELTS Listening — Academic va General Training uchun bir xil. Tuzilishi:

• Vaqt: taxminan 30 daqiqa. Kompyuterda javoblar audio davomida yoziladi, oxirida tekshirish uchun 2 daqiqa beriladi.
• To'rt qism, har birida 10 savol — jami 40 ta. Audio faqat bir marta eshitiladi.
• 1-qism: kundalik vaziyatdagi ikki kishi suhbati.
• 2-qism: kundalik mavzuda bir kishining nutqi.
• 3-qism: o'qish yoki ta'lim bilan bog'liq vaziyatda ikki asosiy ishtirokchining suhbati.
• 4-qism: akademik mavzuda bitta ma'ruzachi.
• Baholash: har to'g'ri javob bir ball, ball 0–9 shkaladagi bandga o'giriladi.

Savollar rasmiy formatda bir nechta turda bo'ladi: test, moslash, xarita yoki reja belgilash, forma va jadval to'ldirish, gapni to'ldirish, qisqa javob.

Bizning mock qanday ishlaydi

Mock'ni ikki usulda ishlash mumkin:

• To'liq test. Avval ovozni tekshirasiz, keyin to'rt qism ketma-ket eshitiladi. Audio to'xtatilmaydi va orqaga qaytarilmaydi; tugagach 2 daqiqa tekshirish vaqti va avtomatik topshirish — real imtihondagidek. Natijada taxminiy band ko'rsatiladi.
• Qism bo'yicha mashq. Bir vaqtda bitta qism, audioni to'xtatish va qayta eshitish mumkin. Zaif qismni alohida ishlash uchun qulay; band ko'rsatilmaydi.

Ekran computer-delivered IELTS'ga yaqin: savollar, pastda raqamlar paneli, yuqorida holat. Topshirgach transkript ochiladi: har savolning javobi matnda belgilanadi va audioni aynan shu joydan qayta eshitish mumkin. Xatoning sababini tushunish uchun bu eng foydali qism.

Skriptlar loyiha uchun original yozilgan va ustoz tekshiruvidan o'tgan. Ovozlarni Google Cloud Text-to-Speech yaratadi: Britaniya, Amerika, Avstraliya va Hindiston aksentlari bor. Natijani saqlash uchun Google yoki Telegram orqali kiring.